Superliga e Kosovës në basketboll u trondit dje me një skenar që pak kush do ta kishte parashikuar: Bashkimi, skuadra e vetme e pamposhtur deri më tani, u mposht nga Vëllaznimi, ekipi i fundit në tabelë.
Një rezultat që përmbysi logjikën dhe ndezi edhe më shumë garën për vazhdimin e edicionit.
Kjo xhiro u shndërrua në një javë të çmendur, ku të gjitha skuadrat mysafire fituan, duke treguar se këtë sezon asgjë nuk është e sigurt:
- Bora mposhti Rahovecin
- Golden Eagle Ylli triumfoi ndaj Prishtinës
- Trepça e rrëzoi Pejën në “Karagaçi”
- Vëllaznimi i dha humbjen e parë Bashkimit
Rivaliteti në Superligë këtë vit po hyn në një fazë ku pritet të eskalojë, sepse çdo ndeshje po sjell befasi të mëdha dhe asnjë skuadër nuk është e paprekshme.
Java e ardhshme, që zhvillohet këtë vikend, paralajmërohet si një super xhiro, duke pasur parasysh tronditjen që solli kjo rundë dhe garën që po bëhet gjithnjë e më e paparashikueshme. /AsistiOnline.com/
