KB Prishtina para pak çastesh ka bërë një njoftim të rëndësishëm lidhur me rosterin e ekipit.
Bardhekaltërit kanë njoftuar se kanë ndarë rrugët me lojtarin amerikan Khalil Dukes.
Lojtari ka luajtur te Prishtina me rreth 12 pikë për ndeshje.
”Klubi ynë dhe lojtari Khalil Dukes kanë vendosur, me marrëveshje të përbashkët, të ndajnë rrugët. Falënderojmë Khalil Dukes për kontributin dhe profesionalizmin e treguar gjatë angazhimit të tij me fanellën bardhekaltër dhe i urojmë suksese në vazhdim të karrierës. Mbetemi të fokusuar në objektivat e sezonit dhe do t’ju informojmë për zhvillimet e radhës”, shkruan njoftimi i klubit bardhakaltër. /AsistiOnline.com/
