Sonte nis xhiro e 24-të e Superligës së Kosovës.
Dueli i parë i xhiros zhvillohet në palestrën ”Shani Nushi” të Gjakovës, atje ku Vëllaznimi e pret Golden Eagle Yllin.
Deri tani, kuqezinjtë kanë tetë fitore e 15 humbje, kurse therandasit dhjetë fitore e 13 humbje.
Në duelet direkte sivjet, Golden Eagle Ylli i ka fituar të gjitha (3) dhe mbetet të shihet sonte se a do të thyejnë gjakovarët dominimin e sivjetm të therandasve ndaj tyre.
Ndeshja e sontme nis nga ora 20:00 dhe transmetohet direkt në Artmotion.
