STEVE NASH ZYRTARIZOHET SI TRAJNER I SKUADRËS SË NJOHUR NË NBA

Prishtinë(AsistiOnline) – Njëri nga plejmejkerët më të mirë që ka pasur liga e NBA-së, Steve Nash po i rikthehet përsëri basketbollit por kësaj radhe në një rol tjetër.

Steve Nash është zyrtarizuar sot, si trajner kryesor i Brooklyn Nets në një marrëveshje katër-vjeçare me klubin që ka nën-kontratë edhe dy yjet e NBA-së, Kevin Durant dhe Kyrie Irving.

Jacque Vaughn do të qëndrojë si ndihmësi kryesor dhe do të bëhet traineri ndihmës më i paguar i ligës.

Javët e fundit, pronari i Nets Joe Tsai dhe menaxheri i përgjithshëm e ekipit Sean Marks kanë qenë vazhdimisht aktiv në tentimet e tyre për ta bindur, Nash që të marrë rolin e trajnerit kryesor tek Nets.

Nash më parë ka punuar edhe si konsulent me Golden State Warriors, ku punoi edhe me Kevin Durant të cilin do ta ketë lojtar tani edhe në Brooklyn. /AsistiOnline.com/