ZYRTARE: DOC RIVERS MERR DREJTIMIN E SKUADRËS NË NBA

Prishtinë(AsistiOnline) – Pak ditë pas ndarjes me ekipin e L.A. Clippers, tekniku i famshëm amerikani, Doc Rivers është bërë me skuadër të re.

Drejtori i Përgjithshëm i skuadrës nga NBA, Philadelphia Sixers, Elton Brand njoftoi sot se ekipi i tij e ka punësuar, Doc Riversin si trajner kryesor. Por që politika e ekipit dhe kushtet e marrëveshjes nuk u bënë të ditura.

“Unë jam me të vërtetë i ngazëllyer për mundësinë për t’u bashkuar me një ekskluzivitet të klasit botëror, një ekskluzivitet, legjenda e së cilës frymëzoi pseudonimin tim. Ky është një qytet që i do sportet dhe i do ekipet e tyre. Është një qytet që vlerëson punën e vështirë dhe kjo është pikërisht ajo që ne do të bëjmë dhe kush do të jemi. Ne jemi gati të bëjmë gjëra të mira në Filadelfia“, tha Rivers pas nënshkrimit të kontratës me skuadrën e re.

Rivers do të shërbejë si trajneri i 25-të në historinë e skuadrës së Philadelphias, pas shtatë stinorëve si kryetrajner i L.A. Clippers. Ai para se të emërohej trajner kryesor në Los Angeles, kaloi nëntë sezone me Bostonin, ku udhëhoqi Celtics në një titull në NBA në sezonin e tij të katërt dhe padyshim që mbetet prej trajnerëve më të respektuar në NBA.

/AsistiOnline.com/