MËSOHEN ÇIFTET E SUPERKUPËS SË KOSOVËS

Prishtinë(AsistiOnline) – Pas nisjes së stinorit të ri në basketbollin e Kosovës, me ndeshje e ”Play Out”-it, në javën që vjen pritet të zhvillohen edhe ndeshjet e Superkupës.

AsistiOnline.com ka siguruar çiftet e ndara nga Federata e Basketbollit të Kosovës, të cilat do të luajnë mes vete në këtë garë dhe vlen të ceket se sivjet, FBK-ja e ka ndryshuar sistemin e saj, duke parë që stinori i Superligës u anulua dhe për ti futur të gjitha ekipet në sistemin e lojës së basketbollit i ka përfshirë të gjitha në garë:

_______________________________________________________________________________________________________________________

Ndeshja e parë, do të luhet më 21.10.2020 në Gjakovë, Sigal Prishtina – Vëllaznimi.

Ndeshja e dytë, do të luhet poashtu më 21.10.2020, në Gjakovë, Rahoveci – Trepça.

Fituesit e të dyja takimeve, shkojnë në gjysmëfinale që zhvillohet më datë 23.10.2020 në Suharekë dhe më pas, nga fituesi i gjysmëfinales, nxirret finalisti i parë.

———————————————————————————————————————————————————————-

Ndeshja e tretë, do të luhet më 22.10.2020 në Prizren, Golden Eagle Ylli – Ponte Prizreni.

Ndeshja e katërt, do të luhet poashtu më 22.10.2020 në Prizren, Peja – Bashkimi.

Fituesit e të dyja takimeve, shkojnë në gjysmëfinale që zhvillohet më datë 23.10.2020 në Suharekë dhe më pas, nga fituesi i gjysmëfinales, nxirret finalisti i dytë.

_______________________________________________________________________________________________________________________

Finalet zhvillohen në Pejë më 25.10.2020.

Finalja e femrave: Prishtina – Bashkimi, ora 14:00.

Finalja e meshkujve: ? – ?, ora 17:00.

/AsistiOnline.com/