DETAJET E STREETBALL KOSOVA 2020, QË MBAHET SOT
Prishtinë(AsistiOnline) – Gjatë ditës së sotme, do të mbahet edicioni i 21-të i Streetball Kosova – Official që mbledh për çdo vit, ekipe shumë cilësore në garat e basketbollit 3v3.
Eventi i sivjetmë i garimit të Streetball Kosova, do jetë në format më ndryshe shkaku i pandemisë COVID-19 dhe do të zhvillohet vetëm një ditë në vetëm një qytet.
Në turneun e sivjetmë, do marrin pjesë 12 ekipe dhe garat fillojnë nga ora 15:00. E tërë gara do të mbahet në ambient të mbyllur konkretisht në Pallatin e Rinisë dhe të Sporteve(Bororamizi) në Prishtinë, kuptohet pa shikues, shkaku i masave anti-COVID të detyruara nga institucionet shtetorërore.
Natyrisht, turneu do të mbahet nën-masa strikte, kundër përhapjes së COVID-19, duke i respektuar manualet e lëshuara nga Ministria e Shëndetësisë për mbrojtje nga pandemia dhe organizatorët kanë paralajmëruar, se do të ketë matje të temperaturës për çdo individ që hyn në sallë, do jetë numri i kufizuar i personave në palestër. 12 ekipe – 48 lojtarë. Ekipet me njëra tjetrën do të kenë distancë distancën sociale, stafi organizativ i garës, referët dhe lojtarët do pajisen me mjete mbrojtëse, maska dhe mjete të tjera dezinfektuese etj.
Garat fillojnë nga ora 15:00. Ndërsa është paraparë që gjysmëfinalet të startojnë nga ora, 19:00 dhe nga gjysmëfinalet e deri në finalen e madhe, do të keni mundësi ti shikoni direkt edhe në Platformën më atraktive në vend, Art Motion, konkretisht në Art Sport 1.
Vlen të ceket se AsistiOnline.com, është sponzor medial i këtij edicioni të Streetball Kosovës dhe do ta mbulojë ekskluzivisht tërë ngjarjen me rezultatet e ndeshjeve dhe raportin final në kohën reale. Qëndroni me ne.
/AsistiOnline.com/
Komentet janë të mbyllura.