SONTE SUPER-DERBI I BASKETBOLLIT KOSOVAR

Prishtinë(AsistiOnline) – Gjatë ditës së sotme pritet të startojë me edicionin e ri të garave, Superliga e Kosovës në Basketboll.

Fati ka dashur që në xhiron hapëse të edicionit të ri, të takohen dy skuadrat rivale të moqme, Peja – Sigal Prishtina të cilat sa herë që takohen krijojnë ndeshje të forta mes vete.

Peja-Sigal Prishtina do të ballafaqohen në ‘Karagaçi’ sonte mbrëma, ku vlerësohet njëra nga ballafaqimet më interesante në këtë xhiro. Prishtina hyn në këtë takim e motivuar, pasi të dielën, pikërisht në qytetin e Pejës triumfoi në Superkupë, kurse pejanët shpresojnë të nisin me fitore edicionin e ri, pasi në Superkupë, u eleminuan nga Bashkimi, që në çerekfinale.

Takimi do të zhvillohet pa shikues dhe me praninë e vetëm 50 personave në palestër, duke përfshirë dy skuadrat, zyrtarët e ndeshjes dhe përfaqësuesit e FBK-së, si pasojë e masave anti-covid-19.

Ndeshja do të transmetohet në platformën ArtMotion, kurse rezultatin LIVE pas çdo çereku, por edhe raportin final të ndeshjes, mund ta gjeni në portalin ekskluziv-basketbollistik, AsistiOnline.com

Superliga – Java 1

E mërkurë

19:00 Peja – Sigal Prishtina

/AsistiOnline.com/