MBYLLET XHIRO E GJASHTË E SUPERLIGËS, KREU I NJEJTË E VËLLAZNIMI LARGOHET NGA FUNDI

Prishtinë(AsistiOnline) – Gjatë të martës dhe të mërkurës, është zhvilluar xhiro e gjashtë e Superligës së Kosovës, ku janë arritur rezultate tejet interesante.

Të martën janë zhvilluar dy takimet e para të xhiros, ku fitore arritën ekipet vendase.

Në derbin e xhiros, Peja mposhti Golden Eagle Yllin me rezultat, 90-80 dhe kështu vazhdon si ekipi i vetëm pa humbje në stinorin e ri të garave.

Ndërsa, poashtu të martën fitore arriti edhe Rahoveci, që në ”Mizahir Isma” mposhti ngushtë skuadrën e Trepçës, 81-78.

Të mërkurën, Sigal Prishtina u mposht në kryeqytet nga Vëllaznimi me rezultatin final, 61-73 dhe kryeqytetasit e konfirmuan formën e dobët në të cilën po kalojnë, përderisa gjakovarët konfirmuan se do jenë ”arrë” e fortë për çdo ekip sivjet.

Dhe në ndeshjen e fundit të xhiros, Ponte Prizreni triumfoi ndaj Bashkimit, në derbin lokal të Prizrenit me shifrat e ngushta dhe finale të ndeshjes, 81-77.

Pas xhiros së 6-të, kështu duket tabela në Superligën e Kosovës te meshkujt:

1.Peja                            12 pikë

2.Golden Eagle Ylli      10 pikë

3.Rahoveci                    10 pikë

4.Ponte Prizreni            9  pikë

5.Trepça                         8  pikë

6.Vëllaznimi                   8  pikë

7.Sigal Prishtina           8  pikë

8.Bashkimi                    7  pikë.

/AsistiOnline.com/