VUCEVIC ME REKORD KARRIERE, SIGURON FITOREN PËR ORLANDON

Prishtinë(AsistiOnline) – Basketbollisti malazez, Nikola Vučević udhëhoqi Orlandon në fitoren e nëntë sezonale në stinorin e ri të NBA-së.

Përveç sigurimit të fitores për ekipin e tij në çastet vendimtare, Vučević vendosi edhe një rekord karriere në triumfin e Orlandos, ndaj Chicago Bulls me rezultat 123: 119.

30 vjeçari i lindur në Zvicërr, por me prejardhje nga Mali i Zi, arriti të shënojë 43 pikë që është rekord personal i karrierës për të, ndërsa kishte poashtu edhe 19 kërcime dhe 4 asistime. Kështu, Vučević theu rekordin e tij personal, të cilin e kishte vendosur katër vjet më parë kundër Brooklyn Nets me 41 pikë të realizuara.

Orlando përballë Bulls, kishte epërsinë gjatë pjesës më të madhe të ndeshjes, e cila shkoi në +14 më së shumti dhe në fund fitorja erdhi edhe pse me vështirësi.

Në ndeshjet kryesore të 6 shkurtit, Milwaukee Bucks shënoi një fitore të lehtë, 123-105 ndaj Cleveland Cavaliers, të udhëhequr nga Giannis Antetokounmpo me 33 pikë dhe 12 kërcime dhe Cedi Osman që shënoi 12 për ekipin humbës.

Utah vazhdoi me rezultate mbresëlënëse, pasi fitoi 14 nga 15 ndeshjet e fundit, këtë herë me rezultatin e thellë, 138-121 kundër Charlottes. Bojan Bogdanovic ishte në zjarr në këtë takim me 31 pikë i ndjekur nga Donovan Mitchell me 30 sosh, ndërsa Rudy Gobert shtoi double-double prej, 12 pikëve dhe 15 kërcimeve.

Për Hornets, LaMelo Ball ishte më i i disponuari me 34 pikë dhe tetë asistime ndërsa Gordon Hayward shtoi 25 pikë.

Përderisa në derbin e natës, Bostoni arriti fitore të ngushtë ndaj Clippers, 115-119. Jayson Tatum me 34 pikë e Kemba Walkier me 24 sosh, spikatën në këtë fitore të Celtics. Ndërsa te Clippers s’mjaftuan për fitore, Leonard me 28 pikë e as Williams me 18 sosh.

Rezultatet komplete të natës së mbrëmshme:

Indiana Pacers – New Orleans Pelicans 113-114
Orlando Magic – Chicago Bulls 123-119
Brooklyn Nets – Toronto Raptors 117-123
Cleveland Cavaliers – Milwaukee Bucks 105-123
Charlotte Hornets – Utah Jazz 121-138
Miami Heat – Washington Wizards 122-95
Oklahoma City Thunder – Minnesota Timberwolves 103-106
Phoenix Suns – Detroit Pistons 109-92
LA Clippers – Boston Celtics 115-119

/AsistiOnline.com/