‘GJEZERËT’ TË PAMËSHIRSHËM EDHE NDAJ MIAMIT

Prishtinë(AsistiOnline) – Stuhia e quajtur, Utah Jazz sivjet në NBA e ka ‘fshirë’ edhe nën-kampionin aktual të garës, Miami Heat.

Jazz kanë arritur fitoren e shtatë rresht, kësaj rradhe duke triumfuar ndaj Miami Heat me rezultat konsiderueshëm të thellë, 112-94. Duke konfirmuar kështu, formën e lartë në të cilën po kalon ekipi i udhëhequr nga tekniku amerikan, Quin Snyder.

Sa ju përket individëve më të dalluar, tek fituesit dje spikatën, Donovan Mitchell me 26 pikë dhe kroati Bojan Bogdanovic me 19 sosh.

Ndërsa tek Heat lojë të mirë shfaqën, Kendrick Nunn që realizoi 23 pikë e Max Strus me 15 të tilla.

Ishte ky triumfi i 22 sezonal për Utah Jazz sivjet, karshi vetëm 5 humbje dhe kjo skuadër gjendet bindshëm në pozitën e parë të Konferencës Perëndimore, aktualisht si ekipi me më së shumti fitore në NBA nga të dyja Konferencat.

Ndërsa, Miami Heat gjenden ekipi i 10-të në Lindje me bilanc negativ prej 15 humbjeve e 11 fitoreve.

/AsistiOnline.com/ 

https://www.youtube.com/watch?v=FPOuEuDam24