RAHOVECI MPOSHT BASHKIMIN PAS DY VAZHDIMEVE

Prishtinë(AsistiOnline) – Në një ndeshje maratonike me dy palë vazhdimesh, Rahoveci ka mposhtur Bashkimin në Palestrën e vet ”Mizahir Isma”.

‘Vreshtarët’ kanë arritur që me shumë telashe të mposhtin ‘arpagjikt’ me rezulat tejet të ngushtë në një ndeshje me shumë kthesa 102-94.

Bashkimi e nisi më mirë ndeshjen, duke fituar dy çerekët e parë të takimit(16-19, 15-21) dhe shkoi në pushimin mes pjesëve me avantazh, 31-40.

Në pjesën e dytë, Rahoveci arriti të këndellet krejtësisht në çerekun e tretë, duke e fituar atë, 26-17. E në çerekun e fundit ekipet hynë me rezultat të barabartë. Perioda e fundit ishte e jashtëzakonshme dhe kjo bëri që ajo të mbyllet baraz, 23-23, duke bërë që ndeshja të shkojë në vazhdime(80-80).

Vazhdimi i parë prej 5 minutash nuk solli fitues, ngase skuadrat luajtën baraz me nga 8 pikë të realizuara(88-88), ndërsa në vazhdimin e dytë, ‘vreshtarë’ u treguan më të koncentruar dhe e fituan ndeshjen me meritë, 102-94.

Darrell Davis ishte më i merituari për fitoren e Rahovecit sonte, por u dalluan edhe Ed Daniel me double-double(23pk, 10krc), Arian Qallaku me 18 pikë dhe Altin Morina me double-double(14pk, 11krc).

Te Bashkimi s’mjaftuan për fitore: Obinna Oleka me double-double(25pk, 19krc), Milos Latkovic me 22 pikë, Chris Lutete me 17 pikë, Musab Mala me 12 pikë e Juljan Hamati me 10 sosh.

Pas kësaj fitore, Rahoveci ngritet përkohësisht në pozitën e parë me 43 pikë, 17 fitore e 9 humbje. Ndërsa, Bashkimi humb rastin për ta siguruar së paku vendin për ‘play out’, tash ka 37 pikë, 11 fitore e 15 humbje.

Në xhiron e ardhshme, Rahoveci luan ndaj Trepçës e Bashkimi luan ndaj Ponte Prizrenit.

/AsistiOnline.com/