CILI ËSHTË BILANCI I NDESHJEVE TË NDËRSJELLA MES VLLAZNISË DHE PEJËS?

Prishtinë(AsistiOnline) – Sot me fillim nga ora 16:00, zhvillohet ndeshja e parë dhe historike e Ligës Unike të basketbollit mes Kosovës dhe Shqipërisë.

Vllaznia e Shkodrës nga Shqipëria dhe Peja nga Kosova, takohen në ”Mizahir Isma” në një ndeshje e cila premton të jetë shumë interesante.

Në fakt këto dy skuadra janë takuar edhe më herët, madje në kompeticione zyrtare dhe kanë zhvilluar lojëra tejet cilësore mes vete.

Shkodranët dhe pejanët deri më tani në gara zyrtare janë takuar 3 herë mes vete, konkretisht në ndeshjet e zhvilluara në Ligën Ballkanike (BIBL).

——————————————————————————————————————————————————————
Dy fitore i takojnë Pejës e një tjetër i takon Vllaznisë.

Peja e kishte mposhtur Vllazninë fillimisht më 13 nëntor të 2019-tës me rezultat, 78-67. Drilon Hajrizi e kishte udhëhequr Pejën në këtë përballje me 22 pikë e 6 kërcime. Ndihmuar nga Henrik Sirko me 20 pikë e tetë kërcime dhe Malcolm Armstead me 16 pikë, gjashtë kërcime dhe tetë asistime. Te mysafirët u pati dalluar, Colin James Voss me 19 pikë, 5 kërcime dhe 3 asistime.

Në ndeshjen e dytë të zhvilluar mes tyre më 14 janar 2020, poashtu kishte triumfuar ekipi i Pejës me rezultat 87-91. Te Peja në këtë fitore u patën veçuar, Jordan Martin me 22 pikë e 9 kërcime dhe Nigel Johnson me 23 pikë, 3 kërcime e 2 asistime. Ndërsa te Vllaznia s’patën mjaftuar, Babb Jaylen me 20 pikë, 7 kërcime e 2 asistime dhe Petar Kusovac me 19 pikë, 4 kërcime e 3 asistime.

Dhe në ndeshjen e fundit mes këtyre dy ekipeve e zhvilluar më 25 shkurt të 2020tës, Vllaznia kishte mposhtur bindshëm Pejën, 78-62. Më efikasi te ekipi fitues kishte qenë Devonte Thomas me 17 pikë të shënuara, ndërsa atij i kishin ndihmuar edhe Colin Voss me 16 dhe Justin Ross e Nikola Vujovic me nga 15 pikë të shënuara. Te Peja, që vuante pa Dardanin e Drilonin, më efikasi kishte qenë Nigel Johson me 19 pikë e 7 asistime, ndërsa 17 pikë tjera i kishte shënuar Bratt Prahl.
___________________________________________________________________________________________________

Ndeshja e sotme, Vllaznia(Shkodër) – Peja, nisë nga ora 16:00 dhe transmetohet direkt në Platformën më atraktive shqiptare, Artmotion. Ndërsa rezultatin për çdo çerek, por edhe raportin final të ndeshjes së sotme, por edhe nga ndeshjet tjera do të mund ti gjeni në AsistiOnline.com

Mos harroni se sot nga ora 15:00, në Art Sport 1 transmetohet direkt, ”ASISTI” special për nder të Ligës Unike me shumë mysafirë, direkt nga palestra moderne ”Mizahir Isma” në Rahovec.

/AsistiOnline.com/