PRIZRENI APO PEJA NË FINALE? ENIGMA ZGJIDHET SOT

Prishtinë(AsistiOnline) – Ponte Prizreni dhe Peja sot zhvillojnë ndeshjen e pestë të serisë gjysmëfinale të ”play off”-it të Superligës së Kosovës.

Aktualisht, gjithçka është e barabartë mes këtyre dy skuadrave në këtë seri 2-2 dhe finalisti do të përcaktohet sonte, ngase është ndeshja e fundit dhe vendimtare.

Pejanët kishin fituar takimin e parë 92:100, kurse më pas prizrenasit fituan 112:111, në një përballje dramatike, derisa sfida e tretë përfundoi me fitoren e verdhezinjve 108:85, ndërsa e fundit 62:88 në të mirë të prizrenasve.

Ndeshja do të fillojë nga ora 17:00 e transmetohet direkt në Artmotion.

Si zakonisht, rezultatin pas çdo çereku por edhe raportin final të ndeshjes do të mund ti gjeni në portalin e vetëm shqiptar, dedikuar ekskluzivisht basketbollit, AsistiOnline.com

/AsistiOnline.com/