EKSKLUZIVE: MUHAMED “MUJO” THAQI DHE EDON MAXHUNI NË ASIST ME AGON FEHMIUN

Prishtinë(AsistiOnline) – Pas plot 10 viteve, njëri prej basketbollistëve më të mirë të gjitha kohëve në elitën e basketbollit kosovar dhe aktualisht trajneri i vitit në Gjerogji, Muhamed Mujo Thaqi kthehet në një studio televizive në Kosovë dhe atë ekskluzivisht në ASIST tek Agon Fehmiu. 

Dhe jo vetëm, sepse së bashku me Mujën mysafir special është edhe Edon Maxhuni,  basketbollisti i ri kosovar që po na bënë krenar. Edoni do të jetë shqiptari i treë pas Ermal Kuqos (Turqi) dhe Dardan Berishës (Poloni) i cili do të luaj në kampionate evropiane (Eurobasket 2022).  

SI U NJOFTUA MUJA ME YLLIN E NBA I CILI IA BESOI EKIPIN:

Në ASISTIN 453, ish lojtari dhe kampioni me shumë skuadra kosovare, tash trajner i Dinamo Tbilisit do të shpalos shumë detaje të shpalosura lidhur me disa raste që ndodhën në të kaluarën në basketin kosovar dhe për të cilat nuk foli asnjëherë.

Muja do të flet edhe për suksesin historik me ekipin e tij gjeorgjian dhe si ndodhi që pronari i kësaj skuadre Zaza Pachulia, NBA ylli dhe kampioni me Golden State Warriors, ia besoj skuadrën e vet. 

A DO TË LUAJ EDONI NË EUROLEAGUE? 

Kurse Edon Maxhuni i cili arriti në finale të Ligës së Estoni duke u shpallur në Pesshen e Vitit dhe Lojtari Organizues (playmaker) i Vitit flet për përvojën e tij në Amerikë e Spanjë dhe sonte ekskluzivisht do të tregon, nëse do të luaj në Euroleague edicionin e ardhshëm?

EKSKLUZIVISHT NË ASIST KAMPIONËT E RI TË KOSOVËS PËR JUNIOR 

As kjo nuk do të jetë e tëra sepse mysafirë në ASIST do të jenë edhe kampionët e ri të Kosovës në kategorinë U18:  juniorët e Trepçës. Ekskluzivisht në ASIST së bashku me trofeun e tyre, Rinol dhe Anes Gashi tregojnë se si e fituan këtë trofe kurse drejtori i klubit, Izet Tahiri flet edhe për revolucionin dhe transferet e reja që po i planifikon për edicionin e ri të Superligës,  skuadra tri herë kampione e Kosovës, KB Trepça

ABA, EUROLEAGUE, NBA DHE 3X3 OQT TOKIO 2021  

Nuk do të mungojnë as raportet speciale për shpalljen e kampionëve në ABA Ligë, Euroleague dhe natyrisht,  aktualitetet nga Play-offi në NBA.

Krejt në fund, ajka do të jetë edhe një ekskluzive dhe historike që ARTMOTION ua ka prezantuar shikuesve të vet: kualifikimet olimpik për Tokyo 2020.

Këto dhe shumë më tepër në ASISTIN 453 tejet të pasur dhe me shumë ekskluzive, nga ora 21:00 direkt dhe ekskluzivisht në ART SPORT 1 dhe pas mesnate në Klan Kosova.

/AsistiOnline.com/