POLONARA ZYRTARIZIMI I RRADHËS TE FENERI

Prishtinë(AsistiOnline) – Achille Polonara është lojtari më i ri i Fenerbahçes.

Skuadra që kishte një formë katastrofale në basketbollin evropian, duket se në edicionin e ri do ta shohim me një konstrukt krejtë tjetër dhe më serioze.

Italiani, Achille Polonara është lojtari më i ri i gjigantit nga Stambolli i Turqisë.

Polonara tek Feneri vije nga skuadra spanjolle Baskonia, që poashtu luan rregullisht në Euroligë dhe ka nënshkruar kontratë 2 + 1(mundësi vazhdimi) me klubin e ri

Polonara, 29 vjeç, sivjet pati mesatare prej 12,2 pikë, 6,6 kërcime, 1,9 asistime dhe 1,2 vjedhje për ndeshje në Euroligë me Baskonian.

Basketbollisti italian ishte bashkuar me Baskonian në vitin 2019 për aventurën e tij të parë jashtë kufinjëve italianë, duke qenë si individi kryesor i ekipit që fitoi titullin e Ligës Spanjolle në flluskën e vitit 2020.

Polonara në të kaluarën ka luajtur për ekipet italiane: Teramo, Varese, Reggiana dhe Dinamo Sassari, ndërsa paraqitet edhe me Kombëtaren e Italisë.

Fenerbahce deri tani ka bërë një numër lëvizjesh në merkato për sezonin e ardhshëm, duke nënshkruajtur me Devin Booker, Pierria Henry, Ismet Akpinar dhe Marial Shayok, ndërsa vazhdoi kontratat me Nando De Colo dhe Dyshawn Pierre. Ky ekip i drejtuar nga Igor Kokoshkov pritet të forcohet edhe me dy lojtarë të rinjë.

/AsistiOnline.com/