HEURTEL KALON TE RIVALI I PËRBETUAR I BARÇËS

Prishtinë(AsistiOnline) – Ish-basketbollisti i spikatur i Barcelonës, Thomas Heurtel është transferuar te rivali i përbetuar i katalunasve.

32 vjeçari francez, ka nënshkruajtur me Real Madridin. Los Blancos njoftuan sot se kanë arritur marrëveshje një-vjeçare me lojtarin në fjalë.

Francezi kaloi sezonin e fundit mes Barcelonës (nga e cila u largua në një mënyrë episodike në mes të sezonit) dhe ASVEL në elitën franceze.

Heurtel për pak ndeshje në Euroligë me Barcën në sezonin 2020-21 luajti me mesatare prej 2.9 pikësh, 2.4 asistime. Derisa mesatarja e tij u rrit në 14.4 pikë e 6.3 asistime me ASVEL-in përgjatë 21 ndeshjeve në kampionatin francez.

/AsistiOnline.com/