ZYRTARE: ARBER BERISHA RIKTHEHET PËRSËRI NË BASKETBOLLIN E KOSOVËS

Prishtinë(AsistiOnline) – Qendra kosovare, Arbër Berisha është transferi më i ri i Sigal Prishtinës.

Skuadra më e trofeshme e basketbollit kosovar, ka njoftuar çaste më parë se ka arritur marrëveshje bashkëpunimi me lojtarin, Arbër Berisha.

Berisha që është lojtar i pozitave 4-5 dhe i gjatë 202 centimetra në stinorin pranveror të edicionit që lamë pas luajti në Ligën e parë turke me Bornovën në 15 ndeshje me mesatare, 3 pikë, 1.9 kërcime e 0.3 asiste për ndeshje e në vjeshtë ishte pjesë e Yllit.

Para rikthimit në Turqi, Berisha luajti pak kohë te Peja e më pas ishte transferuar te Ylli.

Ndërsa karrierën si lojtar profesionist, Berisha e kishte nisur pikërisht në Turqi me ekipet si: Bandirma, Balikesir dhe Gaziantep.

/AsistiOnline.com/