USA KUALIFIKOHET TUTJE ME SPEKTAKËL NDAJ ÇEKISË

Prishtinë(AsistiOnline) – Shtetet e Bashkuara të Amerikës janë kualifikuar në çerekfinale të Lojërave Olimpike – Tokio 2020 në Japoni.

Ekipi kombëtar amerikan ka triumfuar ndaj Republikës çeke me rezultat të thellë 119-84 në ndeshjen e fundit të fazës grupore dhe është kualifikuar tutje.

Në këtë duel dallimi kryesor u bë te trepikëshat, ku amerikanët shënuan 21 nga 41 tentime e çekët vetëm 8 nga 18 të tentuara, derisa dallime pati edhe në kërcime e asiste në favorin e SHBA-ve.

Jayson Tatum shkëlqeu sot në rradhët e USA-së me 27 pikë, pasuar nga Kevin Durant me 23, Zach LaVine me 13 Jrue Holiday me 11 e JaVale Mcgee me 10 sosh.

Te çekët me lojë të mirë u dalluan, Blake Schilb me 17 pikë e Ondrej Balvin me 15 të tjera.

USA mbylli grupin me 2 fitore e 1 humbje dhe kaloi në çerekfinale, derisa Çekia me vetëm 1 fitore e 2 humbje eliminohet në grupe e Gjermania ecën tutje.

/AsistiOnline.com/