EKSKLUZIVE: ARBNOR RIFATI ASISTENT TE KOSOVA?

Prishtinë(AsistiOnline) – Arbnor Rifati pritet të jetë shtesa më e re në shtabin teknik të Përfaqësueses së Kosovës A te meshkujt.

Rezultatet fantastike me skuadrën e Prizrenit 16 në basketbollin e Kosovës, duket se kanë qenë sinjal i madh që Arbnor Rifati të ftohet në stafin e trajnerëve të Përfaqësueses së Kosovës A te meshkujt.

Nga burime të afërta me FBK-në, AsistiOnline.com ka mësuar se shpejtë pritet të merret një vendim zyrtar që Rifati të jetë në stafin e trajnerëve të Kosovës dhe atë që në grumbullimet e rradhës.

Të kujtojmë se trajneri karizmatik prizrenas sivjet e fitoi trofeun e parë në karrierën e tij, duke i’u gëzuar fitimit të Superkupës së Kosovës dhe duke treguar se me vullnet, punë dhe përkushtim arrihet çdo gjë pavarësisht vështirësive.

/AsistiOnline.com/