KAMPIONI ME TË TRETËN RRADHAZI, TRIUMFON NDAJ RAHOVECIT

Prishtinë(AsistiOnline) – Kampioni aktual i Kosovës, Golden Eagle Ylli e ka arritur fitoren e tretë rradhazi në elitën e basketbollit të Kosovës.

Skuadra therandase e ka fituar derbin ndaj Rahovecit me rezultat final 89-77.

Ishte kjo një ndeshje tejet interesante me Yllin që i fitoi dy periodat e para ngushtë(19-17, 25-21) dhe shkoi në pushim me avantazh 44-38.

Në pjesën e dytë, vazhdoi loja e ngushtë mes dy ekipeve dhe kjo bëri që çereku i tretë të mbyllet baraz 23-23 e në periodën vendimtare, Rahoveci e tentoi rikthimin por kjo nuk dha rezultat dhe vendasit e fituan edhe të katërtën 22-16 e cila ju solli fitoren e merituar.

Komplet pesëshja e parë e Yllit sonte arriti pikë dyshifrore, Barret Benson(22pk, 14krc), Brandon Randolph(18), Erjon Kastrati(17), Mikaile Tmusiq(16) e Gëzim Morina(10). Transferi i ri, Cameron Williams për 23 minuta lojë, pati 6 pikë, 5 asiste e 2 kërcime.

Te Rahoveci nuk mjaftuan për fitore, Milik Yarborugh me 28 pikë, Fisnik Rugova me 16 e Musab Mala me 10 sosh.

Në xhiron e ardhshme, Ylli i shkon Pejës e Rahoveci e pret Trepçën.

/AsistiOnline.com/