SONTE ”EL CLASICO” E BASKETBOLLIT KOSOVAR

Prishtinë(AsistiOnline) – Mbrëmja e sontme sjellë edhe një super-duel në basketbollin kosovar.

Bëhet fjalë për sfidën e cila cilësohet me të drejtë si ”El Clasico” e basketbollit të Kosovës ndërmjet Trepçës e Sigal Prishtinës, ndeshje kjo e mbetur nga xhiro e shtatë e ArtMotion Superligës.

Këto dy ekipe ndeshen për herë të parë në këtë edicion dhe ethet e kësaj ndeshje që dikur llogaritej super-derbi, pritet të rikthehen përsëri nga sonte ngase të dyja ekipet kanë rostere cilësore.

Aktualisht në Superligën e Kosovës, Trepça ka 5 fitore e 2 humbje, gjersa Prishtina i ka 4 fitore e 3 humbje.

Sfida zhvillohet sot nga ora 19:00 dhe transmetohet në njërën prej kanaleve të ArtMotion.

Si zakonisht të rejat para dhe pas ndeshjes, pesëshet startuese, rezultatin pas çdo çereku, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/