PESËSHJA DHE MVP NGA XHIRO 3 E LIGËS UNIKE NË ASISTIONLINE
PESËSHJA E KËSAJ JAVE - SHUMË INTERESANTE...
1.I.KOLJEVIQ (PZ16), 2.D.BERISHA (PEJ), 3.J.STOVE (VLLA), 4.M.YARBROUGH (RAHO), 5.U.ZENELAJ (RAH).
1. Plejmejkeri i xhiros 3 në Ligën Unike shpallet Ivan Koljeviq(nr.51) i Prizrenit, njëri nga basketbollistët më meritorë të skuadrës bardhezi në fitoren me vlerë të dyfishtë ndaj Rahovecit, pasi shënoi 27 pikë, prej tyre 6 treshe nga 9 tentime, si dhe 6 shënime nga 8 tentime për 2 pikë, por pati edhe 9 asistime e 4 kërcime, për indeksin e shkëlqyeshëm prej 28.
2. Fundori i javës së 3-të në Ligën e përbashkët të shqiptarëve, shpallet Dardan Berisha i Pejës. Ai ishte i pandalshëm për t’i sjell fitoren e dytë sezonale verdhezinjëve në Ligën Unike, duke shënuar 28 pikë, prej tyre 12 pikë nga treshet, 7 nga tentimet për 2 pikë e 2 nga gjuajtjet e lira, përpos tyre, Dardani shtoi edhe 8 asistime, 7 kërcime dhe vodhi plotë 5 topa për indeksin fantastik prej plus 29.
3. Pozita e alosë këtë javë i takon djaloshit të shkëlqyeshëm të Vllaznisë, Johnathan Stove i cili në fitoren e shkodranëve përballë Tiranës shkëlqeu me 26 pikë, 8 kërcime e 1 top të vjedhur, kurse efikasiteti i tij për gjuajtje të lira dhe dy pikë ishte i 100% me 7 realizime nga po aq tentime për gjuajtje të lira e 8 shënime për 2 pikë, derisa shtoi edhe një treshe e kjo i ndihmoi për indeksin më të mirë të xhiros, plus 23.
4. Në pozitën e alo-qendrës kte xhiro e zë amerikani i Rahovecit, Milik Yarbrough. Aloja amerikane shkëlqeu te Rahoveci edhe pse nuk mjaftoi për fitore edhe pse realizoi 23 pikë, 15 kërcime, 5 asistime dhe 3 topa të vjedhur, Yarbrough realizo 7 shënime për dy pikë dhe kishte 3 qëllime nga 8 tentime për treshe. Për këtë kontribut ai u notua me indeksin plus 28.
5. Dhe në pozitën e qendrës, për herë të parë sonte vjen gjiganti therandas në rradhët e Prizrenit 16: Urim Zenelaj. 2.12 centimetërshi dominoi absolutisht nën kosha me double-double prej 13 pikëve e 17 kërcimeve, por pati edhe 4 asiste e 4 bllokada. Urimi në kte duel qëlloi 6 nga 8 dypikëshat dhe një shënim nga 4 tentime për gjuajtjet e lira, për çka mori notën plus 29, më të lartën për një qendër kte javë.
________________________________________________________________________
MVP I XHIROS 3
JOHNATAN STOVE (VLLAZNIA)
Krejt në fund, epiteti i MVP-s së xhiros së tretë, pa asnjë dilemë i takon më të merituarit për fitoren e parë sezonale të shkodranëve në Ligën Unike: Johnathan Stove.
Me 26 pikë dhe saktësi ideale nga gjuajtjet e lira e tentimet për dy pikë, duke shtuar edhe 8 kërcime e 1 top të vjedhur dhe me indeksin fantastik prej plus 33, aloja e Vllaznisë ishte larg lojtari më i mirë kte xhiro në Ligën Unike.
/AsistiOnline.com/
Komentet janë të mbyllura.