VIDEO LAJM: DRILONI, ERJONI DHE URIMI MYSAFIRË TË ASISTIT 469

(AsistiOnline) – Pas fitoreve të Trepçës e Yllit si dhe triumfit të Sigal Prishtinës në klasikën kundër Pejës situata u bë lëmsh në Artmotion Superligë ngjashëm sikurse është në Ligën Unike.

Tash tri pozitat e para i ndajnë me pikë të njëjta Trepça, Ylli dhe Peja kurse tri skuadra tjera në pozitat 4,5 dhe 6 kanë nga 14 pikë. Rahoveci i cili ka paralajmëruar përforcime të mëdha është duke synuar pozitën 6 e cila dërgon në Play Off.

ARTMOTION SUPERLIGA (XHIRO 9)

REZULTATET:

RC Cola Drita – Rahoveci 104:122; Bashkimi – Golden Eagle Ylli 71:76; Peja -Sigal Prishtina 86:93; Prizreni 16 – Trepça 78:93

TABELA:

1. Trepça 16 (+105); 2. Golden Eagle Ylli 16(+63); 3. Peja 16 (+57);  4.Prizreni-16  15 (+59);

5. Sigal Prishtina 14 (+68); 6. Bashkimi 14(+22); 7. Rahoveci 11 (-43); 8. RC Cola Drita 9 (-331)

Një situat po thuaj identike është edhe në Ligën Unike, madje edhe më e koklavitur.

Pas disfatës në start nga Kamza, Prizreni-16 u kthye me dy fitore rresht ndërsa kampionia aktuale Golden Eagle Ylli dhe Kamza, dy skuadrat e vetme të pamposhtura pas dy xhirove të para , gjatë vikendit që lam pas shijuan humbjet e para. Ylli u mposhtë në Durrës nga Teuta kurse Peja në Karagaq ia shkaktoi disfatën e parë Kamzës. Kështu pas tri xhirove në LIgën Unike më nuk ka skuadër të pamposhtur ndërsa, hiq më pak se pesë skuadra të renditura nga pozita 1-5 kanë pikë identike, pesë. E vetmja pa fitore ende mbetet skuadra e Rahovecit

LIGA UNIKE (XHIRO 3)

REZULTATET:

Prizreni-16 – Rahoveci 95:89; Vllaznia – Tirana 87:68; Peja – Kamza 97:76; Teuta – Golden Eagle Ylli 78:72

TABELA:

1.Peja 5 (+29); 2. Teuta 5 (+17); 3. Prizreni-16  5(+13); 4. Golden Eagle Ylli 5 (+7);

5. Kamza 5 (-6); 6. Vllaznia 4 (-3); 7. Tirana 4 (-26); 8. Rahoveci 3 (-31)

Për të diskutuar për Ligën Unike dhe Artmotion Superligën por edhe përgatitjet për grumbullimin e Kosovës në prag të para-kualifikimeve për Eurobasketin 2025 ku Përfaqësuesja e jonë do të ndeshet me Norvegjinë në Bergen (me 25 nëntor) dhe më pas me 28 Nëntor në Prishtinë kundër Danimarkës,  ASISTI 469 ka ftuar mysafirët special:

Drilon Hajrizin njërin prej lojtarëve kryesor të Kosovës dhe Trepçës e cila aktualisht është lidere e Artmotion Superligës

Erjon Kastratin, yllin e Golden Eagle Yllit, ndër më meritorët që Ylli po kalon formë të shkëlqyeshme dhe ka fituar tre trofe sivjet, dhe

Urim Zenelajn, gjigantin e Prizrenit-16 dhe Kosovës të cilin bashkëlojtari i tij Courtney Fells (ish NBA lojtari i San Antonio Spurs) e quan: Shaquille O’Neali kosovar.

Në vazhdim , AsistiOnline ju sjell bisedën komplete …shikim të këndshëm !