KBF TREPÇA TRIUMFON THELLË NDAJ KASTRIOTIT

Prishtinë(AsistiOnline) – KBF Trepça e ka arritur fitoren e dytë të stinorit në Superligën e Femrave dhe atë po ndaj Kastriotit.

Vashat mitrovicase kanë shënuar fitore të thellë në udhëtim te Kastrioti i Ferizajit 27-110.

Tri basketbolliste arritën pikë dyshifrore te Trepça në këtë fitore, Ta’sharra Jeffries me plotë 55 pikë, 9 kërcime e 4 asiste, Alma Muzliukaj me 31 pikë e 12 kërcime, si dhe Sharai Allen me 14 pikë, 8 kërcime e 6 asiste.

Te Kastrioti, Yllza Huruglica kishte 14 pikë, 6 kërcime e 1 asist.

Pas xhiros së tetë, Trepça gjendet e parafundit me 2 fitore, 5 humbje dhe 1 ndeshje më pak. E Kastrioti mbetet i fundit dhe i vetmi pa fitore sivjet në elitën e femrave.

Në xhiron e rradhës, Trepça i shkon Vëllaznimit e Kastrioti luan ndaj Penzës.

/AsistiOnline.com/