KONFIRMOHET LAJMI I ASISTIT, MALINKOV SOT NISË MISIONIN TE RAHOVECI

Prishtinë(AsistiOnline) – Trajneri maqedonas, Ljupco Malinkov është prezantuar dje edhe zyrtarisht te skuadra e Rahovecit.

Ditë më parë AsistiOnline.com e kishte paralajmëruar ekskluzivisht këtë ujdi mes palëve e Rahoveci ditën e djeshme e konfirmoi atë në krye të stolit të tyre.

Edhe pse skuadra ka nisur dje me përgatitje, kryetrajneri i ri i ekipit nuk ka qenë dje por që sonte pritet të jetë prezent.

Përgatitjet e skuadrës ‘vreshtare’ për edicionin pranveror filluan dje, teksa Malinkov pritet që të zbarkojë sot në Rahovec dhe të fillojë menjëherë punën.

Rahovecin në pranverë e pret një gjysmëstinor i vështirë ngase duhet ti shmanget ”play out”-it dhe eventualisht ta kërkojë ”play off”-in.

/AsistiOnline.com/