PRISHTINA ME FITORE TË THELLË DHE RUTINORE NDAJ DRITËS

Prishtinë(AsistiOnline) – Edhe Sigal Prishtina e ka nisur vitin 2022 me fitore të lehtë.

Kryeqytetasit kanë triumfuar ndaj Dritës me shifrat e thella 64-117.

Nga ky duel nuk vlen diçka që mund të përmendet, për faktin se ashtu edhe si ishte pritur, Prishtina e dominoi ndeshjen lehtë karshi një Drite anemike dhe pa ide se çfarë kërkon.

Shtatë lojtarë arritën pikë dyshifrore te Prishtina sonte, Dachon Burke (18), Wendell Mitchell (17), Lejson Zeqiri (14), Jetmir Zeqiri (13), Kenny Brown e Meriton Ismaili (12) dhe Don Polloshka (11).

Te Drita me lojë të mirë u dalluan, Qëndrim Demi me 23 pikë e Isaiah Johnson me 22 sosh.

Pas xhiros së 15-të, Prishtina gjendet e 5-ta me 23 pikë, 8 fitore e 7 humbje. Derisa, Drita mbetet e fundit me 15 humbje nga 15 ndeshje këtë edicion.

Në xhiron e ardhshme, Prishtina e pret Pejën e Drita i shkon Rahovecit.

/AsistiOnline.com/