TREPÇA ME FITORE TË MADHE NDAJ PEJËS, KUALIFIKOHET NË FINALE TE KUPËS

Prishtinë(AsistiOnline) – Trepça është skuadra e parë finaliste e Kupës së Kosovës që po mbahet në Pejë.

Mitrovicasit kanë arritur që të shënojnë fitore të madhe sonte ndaj Pejës me shifrat përfundimtare 83-76.

Pejanët e nisën shumë më mirë duelin duke e fituar periodën e parë thellë 10-23, derisa në çerekun e dytë Trepça u këndell duke e fituar atë 25-14 dhe skuadrat shkuan në pushim me rezultatin e ngushtë 35-37 në favorin e Pejës.

Në pjesën e dytë, Trepça u tregua fantastike duke i fituar dy periodat vendimtare (28-22, 20-17) dhe kjo fitore e madhe i siguroi fitoren ndaj Pejës e cila si duket sonte ishte e përgatitur vetëm për një pjesë.

Pesë basketbollistë arritën pikë dyshifrore te Trepça sonte, Corban Collins me 17, Drilon Hajrizi e Ty Cockfield me nga 14 dhe Andrew Gordon e Samir Zekiqi që shtuan nga 11 pikë secili.

Te Peja ishin të pamjaftueshëm për fitore, Dardan Berisha e Daniel Lekndreaj me nga 17 pikë.

Në finale, Trepça do të takohet me fituesin e duelit, Golden Eagle Ylli – Bashkimi.

/AsistiOnline.com/