NEW BASKETI VAZHDON ME FITORE, SYTË TE 12 VJEÇARI BEDI ORESHKA QË SHËNOI 7 PIKË [VIDEO]

Prishtinë(AsistiOnline) – New Basketi e ka vazhduar formën e mirë në Ligën e parë edhe këtë xhiro.

Prizrenasit mposhtën sonte Borean në ”Sezai Surroi” me rezultatin 113-90.

Realisht ky rezultat mund të vihet në plan të dytë, kur i’a shtojmë faktin se për prizrenasit në këtë takim i riu Bedi Oreshka u bë lojtari më i vogël që ka shënuar pikë në ligën e parë seniore dhe për ekipin prizrenas.

Djaloshi 12 vjeç, Bedi Oreshka sonte kundër ekipit të Boreas arriti të shënojë 7 pikë, për vetëm 1 minutë e 57 sekonda lojë qëndrimi në parket, ku realizoi 1 treshe nga 3 tentime dhe ishte 100% i saktë për dyshe (2/2).

Pas 15 xhirove në Ligën e parë, New Basketi gjendet i 3-ti me 9 fitore e 6 humbje dhe ka 24 pikë. Derisa, Borea gjendet e 6-ta me 22 pikë, 7 fitore e 8 humbje.

/AsistiOnline.com/