REAL MADRIDI EKIPI I PARË QË ARRIN ”FINAL FOUR”-IN E EUROLIGËS

Prishtinë(AsistiOnline) – Real Madridi e ka fituar edhe duelin e tretë me radhë të serisë çerekfinale ndaj Maccabi Tel Avivit në Euroligë dhe ka arriur në ”Final Four” të Euroligës.

”Mbretërit” nga Madridi e mposhtën Maccabin sonte në Tel Aviv me rezultatin 76-87.

I zakonshmi Sergio Llull edhe sonte vendosi në këtë fitore të Realit me 18 pikë, derisa u ndihmua edhe nga Guerschon Yabusele me 16 pikë dhe Vincent Poirier me 14 sosh.

Te Maccabi sonte nuk mjaftuan, Scottie Wilbekin me 22 e James Nunanlly me 17 sosh.

Me këtë fitore dhe seri të përgjithshme 3-0, Real Madridi bëhet ekipi i parë që siguron ”Final Four”-in e Euroligës i cili sivjet mbahet në Beograd me datat 19/21 maj.

/AsistiOnline.com/