BARCELONA MË NË FUND E KALON BAYERNIN, ”EL CLASICO” NË ”FINAL FOUR” TË EUROLIGËS

Prishtinë(AsistiOnline) – Barcelona është skuadra e radhës që arrin ”Final Four”-in e Euroligës.

Skuadra spanjolle sonte arriti ta mposht Bayernin në duelin e pestë dhe vendimtar 81-72, pas një ndeshje tepër interesante të cilën po e humbiste në pjesën e parë 31-37.

Nicolas Laprovittola me 26 pikë, Nikola Mirotiq me 20 e Nick Calathes me 10 sosh, ishin tre individët që arritën pikë dyshifrore në këtë fitore me shumë vlera të Barçës sonte.

Te Bayerni s’mjaftuan kurrsesi për fitore, Othello Hunter me 18 pikë e Ognjen Jaramaz me 17 sosh.

Me këtë fitore dhe seri të përgjithshme 3-2, Barcelona kualifikohet në gjysmëfinale të Euroligës që sivjet mbahet në Beograd të Serbisë, atje ku do të takohet me rivalin e përjetshëm po nga Spanja, Real Madridin.

Derisa, Bayerni që sivjet e arriti ”Play Off”-in e dytë në histori të klubit në Euroligë e mbyll me kaq aventurën e sivjetme.

/AsistiOnline.com/