SOT NDESHJA VENDIMTARE, PËRCAKTOHET GJYSMËFINALISTI I FUNDIT I ELITËS

Prishtinë(AsistiOnline) – Sot zhvillohet dueli vendimtar i serisë së fundit çerekfinale të ArtMotion Superligës mes Prizrenit 16 dhe Sigal Prishtinës.

Në takimin e parë fitore shënuan prizrenasit 95:87, kurse në ndeshjen e dytë prishtinasit 98:89. Kjo përballje është vendimtare për kualifikim, ndërsa në gjysmëfinale i pret Golden Eagle Ylli, që përfundoi garat në vendin e parë.

Në garat e rregullta, të dy skuadrat kishin nga 15 fitore e 13 humbje, ndërsa në ndeshjet direkte mes tyre, prizrenasit kishin tri fitore, ndërsa një i takoi prishtinasve.

Ndeshja zhvillohet sonte mbrëma në Prizren nga ora 20:30.

Si zakonisht të rejat para dhe pas ndeshjes, pesëshet startuese, rezultatin, por edhe raportin final të sfidës do të mund ti gjeni në portalin e vetëm në shqiptari, dedikuar ekskluzivisht basketbollit, AsistiOnline.com

/AsistiOnline.com/