BOSTONI ELIMINON KAMPIONIN AKTUAL, KOMPLETON FINALISTËT E LINDJES NË NBA

Prishtinë(AsistiOnline) – Njëra prej ekipeve më me traditë në NBA, Boston Celtics ka arritur në finale të Konferencës Lindore në NBA.

Ekipi i trajnerit të ri Ime Udoka, arriti të fitojë duelin vendimtar ndaj kampionit aktual të garës, Milwaukee Bucks duke e mposhtur thellë 109-81.

Pesë lojtarë arritën pikë dyshifrore në këtë fitore shumë të vlefshme për Celtics, derisa u dalluan Grant Williams me 27 pikë e 6 kërcime dhe Jayson Tatum me 23 pikë, 8 asiste e 6 kërcime.

Te Milwaukee ishin të pamjaftueshëm për fitore, Giannis Antetokounmpo që i mungoi vetëm një asist për triple-double (25pk, 20krc, 9 ast), si dhe Jrue me 21 pikë, 8 asiste e 5 kërcime.

Me këtë fitore dhe seri të përgjithshme 4-3, Boston Celtics kualifikohen në finale të Lindes, atje ku do të ndeshen me Miami Heat.

Dueli i parë i serisë zhvillohet me 18 maj në FTX Arena të Miamit.

/AsistiOnline.com/