SOT FILLON EVROPIANI U16 (M) NË PRIZREN, KY ËSHTË ORARI I KOSOVËS

Kampionati Evropian U-16 i meshkujve – Divizioni C, fillon sot në Prizren.

Këtë vit, ngjarja më e madhe sportive në qytetin prizrenas do të bashkojë tetë kombëtare, në garë për trofeun e çmuar.

20 ndeshje për pesë ditë pritet të dhurojnë spektakël në palestrën “Sezai Surroi”.

Dueli i parë dhe hapës i këtij Evropiani zhvillohet sot në mes të Shqipërisë dhe Maltës me fillim nga ora 13:45.

Kosova është në grup me Shqipërinë, Maltën dhe San Marinon. Sfida hapëse e Kosovës është ndaj Maltës, sonte mbrëma, që është përballja e parë e dardanëve të rinj në këtë Evropian. Përkrahja nga tifozët është shumë e nevojshme për basketbollistët e rinj të Kosovës.

Takimi i dytë do të jetë ndaj Shqipërisë të mërkurën dhe ndeshja e fundit në grupe ndaj San Marinos të enjten.

Në grupin tjetër garojnë Gjibraltari, Armenia, Andorra dhe Moldova.

Orari i Kosovës:

12 Korrik

20:45 Kosova-Malta

13 Korrik

20:30 Kosova-Shqipëria

14 Korrik

20:30 Kosova-San Marino