KROACIA E ARRIN TË PARËN, PA TELASHE NDAJ ANGLISË

Prishtinë(AsistiOnline) – Pas humbjes së djeshme nga Greqia, Kroacia e ka arritur sot fitoren e parë në Eurobasket 2022.

Kroatët e drejtuar nga ish-selektori i Kosovës Damir Mulaomeroviq e mposhtën Anglinë me rezultat goxha të thellë 65-86.

Tre NBA-lojtarët kroatë, Dario Saric, Ivica Zubac e Bojan Bogdanovic me nga 15 pikë, ishin individët më të dalluar te Kroacia në fitore.

Te Anglia, Myles Hesson kishte 18 e Patrick Whelan 14 pikë.

Në xhiron e tretë, Kroacia luan me Estoninë e Britania e Madhe ndeshet me Greqinë.

/AsistiOnline.com/