TURQIA VAZHDON ME FITORE, KËSAJ RADHE NDAJ BULLGARISË

Prishtinë(AsistiOnline) – Turqia e ka arritur edhe fitoren e dytë me radhë në Eurobasket 2022.

Të besuarit e Ergin Atamanit hasën në vështirësi gjatë pjesës së parë, madje shkuan në pushim me minus (52-50), por në pjesën finale ndezën motorët dhe e fituan sfidën 87-101.

Edhe sot lojtari më i dalluar te turqit ishte, Cedi Osman me 25 pikë, por u ndihmua edhe nga Alperen Sengun me 20 dhe Shane Larkin me 13 pikë.

Te Bullgaria, super-ylli i ekipit që luan në Euroligë, Sasha Vezenkov me 28 pikë, ishte figura kryesore.

Turqia duelin e tretë e zhvillon ndaj Gjeorgjisë e Bullgaria luan me Malin e Zi.

/AsistiOnline.com/