ZYRTARE: EKREM MEMNUN LARGOHET NGA PRISHTINA!

Prishtinë(AsistiOnline) – Ekrem Memnun më nuk është trajner i Sigal Prishtinës.

Është vet faqja zyrtare e klubit që e ka konfirmuar lajmin për largimin e turkut i cili erdhi te Prishtina me shumë bujë, por që tashmë e ka mbaruar aventurën e shkurtër.

Në njoftimin e klubit thuhet se Memnun është larguar nga klubi për shkaqe personale dhe klubi e mirëkupton plotësisht atë.

Njoftimi i plotë nga klubi:

Faleminderit Ekrem Memnun!

Sigal Prishtina dhe Kryetrajneri Ekrem Memnun kanë ndarë rrugët.

Memnun iu bashkangjit projektit të klubit në gusht të këtij viti me ftesë për të përkrahur miqtë e tij në Prishtinë, mirëpo për arsye personale iu desh të largohej nga klubi.

Ne, KB Sigal Prishtina duke qenë të njoftuar për arsyen e largimit e përkrahim vendimin e tij dhe i urojmë gjitha të mirat në jetën profesionale dhe personale.

Ekremi erdhi si mik i klubit dhe po largohet si nje mik i madh i klubit.

Deri në vendimin e radhës, ekipi do të drejtohet nga Bilge dhe Rashica.

Faleminderit, Ekrem Memnun!

Të kujtojmë se Memnun e kishte drejtuar Prishtinën edhe gjatë viteve 2003-05.

/AsistiOnline.com/