Përpos formës perfekte, Peja hap edhe ”Fan Shop” për fansat e klubit

Prishtinë(AsistiOnline) – Sukseset e lojtarëve në parket, nuk janë gjëja e vetme pozitive te klubi i Pejës sivjet.

Verdhezinjët para pak ditëve e kanë hapur edhe ”Fan Shop”-in e skuadrës, ku nga tash fansat e klubit mund ti blejnë rekuizitat e ekipit të tyre të zemrës.

Presidenti i klubit, Fatmir Gashi dhe njëri nga sponzorët e klubit, Ferhat Zeqiri e kanë prerë shiritin e ”fan shop”-it zyrtar të klubit të Pejës me ç’rast është bërë hapja zyrtare e këtij dyqani të KB Peja i cili ka qenë shumë i kërkuar nga fansat e klubit prej kohësh.

Tashmë fansat e klubit pejan, do të kenë mundësi të pajisen me fanela origjinale dhe shumë artikuj të ndryshëm me logon e klubit.

”Fanela, tuta, shalle, kapela dhe shumë artikuj të tjerë, do të jenë në dispozicion për tu blerë nga të gjithë mbështetësit e klubit verdhezi.

Me rastin e hapjes së këtij ”fan shopi”, drejtuesit e klubit thanë se çdo blerje e produkteve zyrtare të KB Peja, është mbështetje direkte në zhvillimin e klubit të qytetit.

Të kujtojmë se javë më parë, ”Fan Shop”-in e skuadrës e hapi edhe skuadra e Trepçës e një dyqan të tillë e posedon prej vitesh edhe klubi i Rahovecit.

/AsistiOnline.com/