Xhiro e tetë starton sot me vetëm një duel, por shumë interesant

Prishtinë(AsistiOnline) – Sot dhe nesër luhet xhiro e tetë e Superligës së Kosovës te meshkujt.

E ditën e sotme zhvillohet vetëm një duel që do të luhet në ”Shani Nushi” të Gjakovës.

Atje, skuadra vendase e Vëllaznimit do të takohet me Bashkimin e Prizrenit, ku të dyja ekipet synojnë fitoren me çdo kusht.

Momentalisht, prizrenasit ndodhen në pozitë më të palakmuar me dy fitore e pesë humbje në këtë edicion, kurse portokallezinjtë në takimin e parë kishin fituar 70:61 ndaj skuadrës kuqezi.

Ky duel i cili fillon nga ora 19:00, do të transmetohet direkt në Sport1 në të gjitha platformat vendore në pjesën e kanaleve të sportit.

Si zakonisht, më të rejat para ndeshjes, rezultatin çerek pas çereku, por edhe raportet finale të dueleve, mund ti gjeni në portalin e vetëm në shqiptari dedikuar ekskluzivisht basketbollit – AsistiOnline.com