Super-derbi i basketbollit kosovar dhe komplet xhiros, sot në ”Karagaç”-in e zjarrtë

Prishtinë(AsistiOnline) – Sot zhvillohet derbi i basketbollit kosovar dhe komplet xhiros së tetë në Superligës.

Dy skuadrat që sa herë takohen, dhurojnë shou për publikun, Peja dhe Sigal Prishtina do të tentojnë fitoren e radhës që i afron drejtë arritjes së objektivave.

Në fakt, Peja sivjet nuk di për humbje e Prishtina i ka vetëm 2 disfata, që të dyja ekipet janë njëra pas tjetrës në tabelë, ku me fitore eventuale prishtinasit do t’ju afroheshin në maksimum verdhezinjëve.

Kjo-super ndeshje e cila fillon nga ora 17:00, do të transmetohet direkt në Sport1 dhe Klan Kosova në të gjitha platformat vendore.

Si zakonisht, më të rejat para ndeshjes, rezultatin çerek pas çereku, por edhe raportet finale të dueleve, mund ti gjeni në portalin e vetëm në shqiptari dedikuar ekskluzivisht basketbollit – AsistiOnline.com