Superliga vazhdon sot dhe nesër, duele tejet interesante na presin

Në fundjavë zhvillohet xhiroja e dhjetë e Prince Caffe Superligës.

Takimi i parë dhe i vetëm i së shtunës zhvillohet ndërmjet Trepçës dhe Rahovecit. Skuadra mitrovicase ka pesë fitore e tri humbje, ndërsa ajo rahovevase është në krizë me një fitore e tetë humbje (radhazi). Fitorja është e vlefshme për të dy skuadrat që kanë ambicie të kundërta në këtë edicion.

Vëllaznimi që ka ngritje të formës do të ndeshet me Sigal Prishtinën. Kuqezinjtë kanë katër fitore e pesë humbje, kurse ajo prishtinase pesë fitore e katër humbje, andaj pritet një ndeshje interesante, ndërsa palestra ‘Shani Nushi’ në Gjakovë pritet të jetë e mbushur me adhurues të basketbollit.

Ndeshja e fundit e kësaj xhiroje zhvillohet mes skuadrave prizrenase, Ponte Prizrenit dhe Bashkimit. Ponte ka tri fitore e katër humbje, kurse Bashkimi tri fitore e gjashtë humbje. Tifozët prizrenas kanë rastin të shohin një përballje të bukur në “Sezai Surroi”.

Golden Eagle Ylli-Peja do të regjistrohet rezultati nga Liga Unike.

Prince Caffe Superliga – Java 10

E shtunë

19:00 Trepça – Rahoveci

E diel

17:00 Vëllaznimi – Sigal Prishtina

19:00 Ponte Prizreni – Bashkimi

Golden Eagle Ylli – Peja (REZULTATI I LIGËS UNIKE)