Superkupa e Kosovës do të mbahet në Prishtinë

Tashmë edhe zyrtarisht, Superkupa e Kosovës te meshkujt do të zhvillohet në Prishtinë.

Kështu ka vendosur bordi i FBK-së, ka lajmëruar sot faqja zyrtare e institucionit kryesor të basketbollit në vend që ka cekur edhe datat prej 7 deri më 11 dhjetor të mbajtjes së eventit.

Njoftimi i plotë:

Bordi i Federatës së Basketbollit të Kosovës (FBK) më 21.11.2022 e ka shqyrtuar ofertën e KB Sigal Prishtina për organizimin e Superkupës së Kosovës në datat 07-11 Dhjetor 2022 në Prishtinë dhe njëherësh e ka miratuar këtë ofertë, si dhe e ka udhëzuar KB Sigal Prishtina që të fillojë përgatitjet për këtë event madhështor, konform Udhëzuesit për Organizimin e Superkupës së Kosovës.

Ky vendim hyn në fuqi në ditën e miratimit të tij.

Në emër të Bordit të FBK-së,

Arben FETAHU

Kryetar

Federata e Basketbollit e Kosovës