Prishtina mposhtet edhe nga Kalev/Cramo, pëson disfatën e dytë në ENBL

Prishtinë(AsistiOnline) – Sigal Prishtina e ka pësuar edhe disfatën e dytë në fazën grupore të kompeticionit evropian ”ENBL League”.

Skuadra kosovare u mposht sot nga ekipi estonez ”Kalev/Cramo me rezultat 50-61.

Pjesa e parë e ndeshjes ishte tejet interesante me estonezët që fituan çerekun e parë (12-21), por kundërpërgjigjja e prishtinasve erdhi shpejtë duke fituar çerekun e dytë (18-9) me ç’rast ekipet shkuan në pushim me rezultat të barabartë 30-30.

Në pjesën e dytë, Kalev/Cramo dominoi lehtësisht në dy periodat vendimtare (10-16, 10-15) të cilat i mjaftuan për fitore.

Vetëm Dustin Thomas realizoi pikë dyshifrore te Prishtina sot me gjithsejt 15, gjersa nga 6 i shtuan Rezart Mehmedi e Brooks

Pas 2 xhirove në ENBL, Prishtina ka dy humbje nga dy ndeshje e Kalev/Cramo ka 1 fitore e 1 humbje.

/AsistiOnline.com/