Seria çerekfinale mes Trepçës dhe Bashkimit, hapet sonte në ”Minatori”

Prishtinë(AsistiOnline) – Sonte hapet seria çerekfinale e play off-it të Superligës së Kosovë, mes Trepçës dhe Bashkimit.

Mitrovicasit e shumëpërforcuar në këtë edicion dhe me ambicie të mëdha, përfunduan garat e rregullta në vendin e katërt me 17 fitore e 11 humbje, ndërsa prizrenasit në atë të pestë me 11 fitore e 17 humbje.

Në pesë takimet e fundit ndërmjet këtyre dy skuadrave, katër herë festuan mitrovicasit dhe një herë prizrenasit. Fituesi i kësaj ndeshje në gjysmëfinale do të përballet me Sigal Prishtinën, që përfundoi garat në vendin e parë.

Ndeshja e sontme nis nga ora 20:30 dhe transmetohet direkt në Sport1.

Skuadra që shënon dy fitore, kualifikohet në gjysmëfinale.

Më të rejat nga ndeshja, rezultatin pas çdo çereku, raportin final, por edhe detajet e tjera, si zakonisht i gjeni në portalin e vetëm në shqiptari dedikuar ekskluzivisht basketbollit – AsistiOnline.com