Pas 23 vitesh, titulli i kampionit sonte vendoset përsëri mes Trepçës e Pejës
Prishtinë(AsistiOnline) – Siç tashmë e keni të ditur, Trepça dhe Peja sot zhvillojnë finalen vendimtare për titull kampioni në Superligën e Kosovës.
Pas 23 vitesh këto dy ekipe janë kthyer të përballen mes vete në finale të kësaj gare me rëndësi të veçantë në basketbollin e Kosovës.
Që nga sezoni i largët 1999-2000, këto dy ekipe nuk janë ndeshur në finale për titull e atë botë kishte triumfuar Trepça në ”Minatori”, duke u stolisur me titullin kampion.
E pas 23 vitesh, sot mbetet të shihet se kush do ti gëzohet këtij trofeu që po pritet me kërshëri të madhe nga i gjithë opinioni sportdashës kosovar.
/AsistiOnline.com/
Komentet janë të mbyllura.