Ekskluzive: Lis Shoshi e Malcolm Armstead në bisedime të avancuara me Pejën

Prishtinë(AsistiOnline) – Zhvillime tejet interesante edhe në merkaton e kampiones aktuale të Kosovës, Peja.

Ekipi i Rami Hadar po merr dalëngadalë formë me prezantimet e fundit, gjersa AsistiOnline.com ka mësuar se klubi vazhdon negociatat edhe me basketbollistë tjerë vendorë.

Lis Shoshi dhe MalcolmArmstead, janë dyshja e lojtarëve vendorë me të cilët Peja është në bisedime të avancuara dhe mbetet të shihet gjatë ditëve në vijim se cili do të jetë rezultati i tyre.

Shoshi prej vitesh ka qenë në pauzë si pasojë e lëndimeve, por në muajt e fundit është rikuperuar dhe po synon rikthimin.

Derisa, Armstead në edicionin e fundit ka qenë pjesë e Golden Eagle Yllit.

Që të dy në të kaluarën kanë qenë pjesë e Pejës. /AsistiOnline.com/