KBF Bashkimi prezanton lojtaren e dytë të huaj, emër i njohur dhe dalluar

Prishtinë(AsistiOnline) – KBF Bashkimi e ka prezantuar sonte edhe lojtaren e dytë të huaj.

Skuadra prizrenase ka njoftuar se ka arritur marrëveshje bashkëpunimi me plejmejkeren amerikane, Sophia Jacobsson.

”Një kampione tjetër, te kampionët. Sophia Jacobsson, do të jetë pjesë e klubit tonë për edicionin e ri. Së fundmi, Sophia ishte pjesë e Flamurtarit të Vlorës”, shkruan njoftimi i klubit prizrenas.

Jacobsson së fundmi ishte pjesë e Flamurtarit të Vlorës me të cilët luajti me mesatare fenomenale prej 15.1 pikëve, 6 kërcimeve e 7.5 asiste.

Bashkimi e ka kompletuar ekipin me lojtaret vendore, gjersa shumë shpejtë pritet të mbyllë hapësirat edhe me lojtaret e huaja. /AsistiOnline.com/