Vjen ‘befasia’ e parë e Botërorit

Prishtinë(AsistiOnline) – Republika Dominikane e ka shkaktuar befasinë e parë të Kampionatit Botëror për meshkujt i cili ka nisur para dy ditësh.

Dominikanët mposhtën Kombëtaren italiane me rezultatin 82-87.

Pjesa e parë e ndeshjes u mbyll maksimalisht ngushtë (39-38), derisa në të dytën pjesë, dominikanët e fituan thellë çerekun e tretë (17-31), italianët tentuan rikthimin në periodën e fundit (26-18), por ishte e pamundur dhe kështu pësuan.

Karl Anthony Towns me double-double prej 24 pikëve e 11 kërcimeve dhe Andres Feliz me 24 pikë poashtu, ishin dyshja më e dalluar e dominikanëve në këtë super-fitore.

Te Italia s’mjaftuan, Marco Spissu me 17 pikë e Simone Fontecchio me 13 sosh.

Në gupin A, Republika Dominikane tash ka bilanc të qind për qind me 2 fitore nga 2 ndeshje dhe gjendet e para në tabelë, derisa Italia gjendet e dyta me 1 fitore e 1 humbje.

Në xhiron e tretë, Italia luan ndaj Filipineve e Republika Dominikane takohet me Angolën.

/AsistiOnline.com/