Të jesh apo të mos jesh, Peja e pret Yllin në ”Karagaç” për të përcaktuar finalistin

Prishtinë(AsistiOnline) – Sonte zhvillohet ndeshja e pestë e serisë gjysmëfinale të play off-it mes Pejës dhe Yllit.

Dy ekipet që sivjet sa herë janë takuar mes vete, kanë prodhuar rivalitet maksimal, takohen edhe sonte për herë të fundit në sezon për betejën kryesore dhe ndeshjen e cila do të thotë të jesh apo të mos jesh, fituesi shkon në finale

Deri tani të dyja ekipet kanë nga dy fitore dhe ndeshja e pestë sonte në ”Karagaç” me fillim nga ora 19:00, është përcaktuese.

Sfida transmetohet direkt në Artsport.

Vlen të ceket se Peja është kampione aktuale e Kosovës.

Trepça po e pret njërën nga këto dy skuadra në finalen e madhe, pasi e ka siguruar atë duke triumfuar ndaj Prishtinës.

/AsistiOnline.com/