Për herë të parë në vendin tonë, do të organizohet FIBA 3×3 Europe Cup nga Federata e Basketbollit e Kosovës.
Ky event do të mbahet në Sheshin “Skënderbeu” në Prishtinë më 8 dhe 9 qershor.
Gara do të ketë nga mëngjesi i së shtunës deri në mbrëmje, derisa të dielën zhvillohet ndeshjet çerekfinale, gjysmëfinale dhe finalet.
Kosova do të paraqitet në të dyja konkurrencat në këtë event dhe synon paraqitje sa më të mira.
Vashat e Kosovës janë në grup me Qipron, Andorrën dhe Irlandën.
Ndërkohë, Dardanët do të ndeshen me Azerbajxhanin, Qipron, Shqipërinë dhe Armeninë.
Orari i Kosovës
8 qershor
10:45 Kosova-Qipro (femrat)
14:10 Azerbajxhani-Kosova (meshkujt)
15:25 Irlanda-Kosova (femrat)
17:15 Shqipëria-Kosova (meshkujt)
18:05 Kosova-Andorra (femrat)
19:55 Kosova-Qipro (meshkujt)
22:10 Kosova-Armenia (meshkujt)
